Kursus 1: Bybelse Berading

Die doel van Kursus 1 is om studente toe te rus om:

• 'n Bybelse model vir berading te leer ken en toe te pas;
• die beginsels / grondslae van Bybelse berading te verstaan;
• te groei deur die toepassing van die beginsels in hulle eie lewe;
• berading te doen deur gevalstudies, beradingprojekte en besprekings;
• die beradingsmodel toe te pas op probleme soos veslawings, depressie, lyding en stres;
• hulself as beraders te evalueer ten opsigte van hulle vaardighede en karakter.

Uitkomste:
Aan die einde van die kursus moet die studente die volgende demonstreer:

1. Kennis van die volgende aspekte wat elkeen in 'n studie-eenheid op hoofstuk behandel word:

Semester 1: 

• Waarom is verandering noodsaaklik?
  Eenheid 1:    Berading en menswees
• Hoe vind verandering plaas in 'n mens se lewe?
  Eenheid 2:    Die dinamiek van Bybelse verandering
• Hoe kan ek iemand help om te verander?
  Eenheid 3:    'n Bybelse metode van berading
• Watter geleenthede het ek om ander te help verander?
  Eenheid 4: Berading in die alledaagse lewe
• Hoe kan ek kreatiwiteit in berading gebruik?
  Eenheid 5: Kreatiwiteit in berading
• Watter Bybelse perspektiewe op berading is tot dusver ontgin?
  Eenheid 6: Bybelse perspektiewe op berading

Semester 2:

• Watter beginsels gee die Skrif vir die huwelik en gesin?
  Eenheid 1: Bybelse beginsels vir huweliks- en gesinsberading
• Hoe help ek mense met probleme in die huwelik?
  Eenheid 2: Huweliksberading
• Hoe kan ek myself evalueer as 'n berader?
  Eenheid 3: Kenmerke van 'n Bybelse Berader 
• Hoe kan persone met depressie begelei word?
  Eenheid 4: Depressieberading
• Hoe kan mense met verslawings gehelp word?
  Eenheid 5: Verslawingsberading
• Hoe kan mense in lyding ondersteun word?
  Eenheid 6: Lydensberading
• Hoe kan mense met stres beraad word?
  Eenheid 7: Stresberading

    2.   Vaardighede wat getuig van Geestesgawes vir 'n vrugbare bediening in informele berading van die gesin, kerk en gemeenskap op die terreine genoem in punt 1.

   3.   Houding / waardes / gesindheid: Die vertoon van die vrug van die Gees in berading, soos nederigheid, liefde, getrouheid en volwassenheid.

Duur van kursus: Twaalf maande (Januarie tot Desember)

Kontaksessies:  4 geleenthede versprei deur die jaar. Vir datums van kontaksessies kliek op  Jaarprogram 2012.

Onderrigmetodes: Interaktiewe onderrig tydens kontakdae; selfstudie aan die hand van die Bybel, die handboek, leergids en voorgeskrewe boeke; tuiswerkopdragte; die hou van 'n leerjoernaal; en 'n eksamen.

Voorgeskrewe boeke

Die volgende boeke is noodsaaklik:

• Welch, Edward. 1997. When People are Big and God is Small. Phillipsburg: Presbyterian and Reformed Publishing
• Tripp, Paul David. 2000. War of Words. Phillipsburg: Presbyterian and Reformed Publishing.
• Lane, TS and Tripp, PD. 2006. How people change. New Growth Press, Greensboro 
• Adams, Jay, E. 1979. Christian Living in the Home. Phillipsburg: Presbyterian and Reformed Publishing Company
• Crabb, L. 1992. The Marriage Builder. Grand Rapids: Zondervan

Die volgende boeke is nuttig vir 'n deeglike onderbou in Bybelse Berading en is belangrik indien die student nie 'n studie in die teologie gevolg het nie:

• Adams, Jay E. 1979. A Theology of Christian Counseling. Grand Rapids: Zondervan Publishing House
• Adams, Jay E. 1973. The Christian Counselor's Manual. Grand Rapids: Zondervan Publishing House

Bestel van AUGUSTINE BOOKROOM e-pos: augustinebookroom@telkomsa.net Tel: 012 993 4606

Plek: Die kursus word per korrespondensie gedoen en die kontakdae vind plaas by Radiokansel, Jacobusstraat 42, Kilnerpark, Pretoria, asook by ander sentra indien daar ten minste 20 studente is.

Studieleiers: Dr. Marius Schalekamp, Dr. Vorster Combrink, Johan Eloff en ander.

Toelatingsvereiste: Graad 12

Koste van kursus: Kursus 1 se koste vir die jaar  is R6000.00. Deposito van R1000.00 moet inskrywing vergesel.

Inskrywing: Vanaf November. Kliek hier vir 'n inskrywingsvorm.